Шэры шэрага вядзе, Шэрых расьпіхае. Будзеш пан ці прападзеш, Шэры вырашае. Раз ня шэры, дык ня наш. Са стала не хапай! Што ў кішэні? Ну пакаж, Мо' ты з поўнай лапай? Эх вы, лапы-лапаткі, Лапцікі забылі. Самазваныя панкі Кашы наварылі. Кашу шэрую бярэш, Аддаеш паклоны. Белай шэрую завеш, Каб ня быць галодным. Раз у шэрым бачыш толк, Расчыняюць дзьверы Шэры заяц, шэры воўк, Шэрыя паперы.
|
|